هو البحر ايه غير انه
جزر ومد
هو الشوق بيني وبينك
يفرق قرب
او يفرق بعد
والله ماتفرق
نسمه صيف
او قرصة برد
عارفه حبيبتي
اول مره
احس باني بحب بجد
اول مره احس بشوق
شوق متشوق
حرف مذوق بعطر الورد
عارفه حبيبتي
كنت يادوب عايش وخلاص
اكتب كل حروف العشق
المهم يخلص كراس
واكسر كل دقيقه اقلام
وكل مااشتاق
اجري بسرعه
ارسم كل احلامي كلام
بس خلاص حبك غيرني
خلي كل ايامي هيام
حلي ايامي
خلاني احب كل كلامي
خلاني ارسم احلي حروف
خلاني اكسر جوايا خوف
كل حروفي اليوم حسداني
وانا في حبك
اصلي اناني
عايزك تبقي ليا لوحدي
تبقي الرقه
حتي البسمه
كله اتغير مع حرماني
اقولك حاجه
ولا اقولك مش محتاجه
لمااشتاقلك
روحي تروحلك
اصل كل ماانت بتشتاقي
انا اكتر محتاجلك
اول مره احس حياتي
كل حروفي
كل حياتي
عايشها بجد
احمد عبدالحق
ليست هناك تعليقات:
إرسال تعليق