*** دُبنا ولا تُـبنا
---------------
برمش جفـن الهـوي بعتنـا مكتوبنا
بالشـوق ونـارالهـوي دُبنا ولا تُـبنا
وعلي نسيـم ورده مِـشينا خطـاوينا
لِشطُه قلبي وصل ورِسيّت مراكبنا
بقلوب ملاها الحب بالسعـد دعيناله
يِـرقْ قلب الحبيب والدُنيـا تصفـاله
ينول قلبي الرضا وتتحسن احـواله
يجمعنا شـط الهـوي احنـا وحبـايبنا
بـوسـه علي جبينُـه او بسمه أتـمني
والنظـره في عيـونه طريقي للجنـة
يشفـي ويسعـد قلبنا وبحُسنه نِتهنـي
في بُعـده نارالعـذاب وقُربـه يطببنا
فَرحي برؤيا الحبيب فرّحه ماتتقدر
الخد فُل وضِحكته أحلي من السُكر
خطوة دلاله وطلِّته بسحرها أسْـكَر
حرام يا هجرالحبيب دا البُعد عذبنا
عـدينا بـلاد وبــلاد لحـد ما جينـاله
مَليت كاسات المنا موده وسقيـتهاله
عيني متفارق بابـه تتقصي أحوالـه
علي نوره نتغـدا وعبيـره مشْــربنا
هدي اللعب يا صبيه الشوق حـراق
وحس بيه يا عنيـه وقـلبي المشتـاق
دمع العيــون بيــزود نــار العشـاق
سهم عنيك صابنا وعلي إديـك تُبنـا
يا رمـش عين الحبيب بَلَّـغ مكـاتبنا
السُهـد أمـلاه عـلينـا والـدمع كـاتِبنا
من العِشق دبناوتِعبنَا بلاش تِلاعبنا
بعينك إسعد قلوبناوبالوصل أطربنا
----------[مبروك البنا]----------
ليست هناك تعليقات:
إرسال تعليق