اسامة فؤاد حنا يكتب...الدنيا ناسوناس
الدنيا ناس وناس فيه ناس بتخون العهود وناس لاجل الحق تموت وناس ضعيفة وناس شريفة وناس فيها الحرامى مسنود وناس بتبيع لحوم ناس وناس ظلمت كتير ناس وناس بتنسي وناس بتقسى وناس كلها عطف واحساس وناس ف اللقمة تحتاس وناس املاكها ما تتقاس وناس تصونك وناس تخونك وناس فيها العرق دساس وناس بتفهم من نظرة وناس عقلها زى الترباس وناس خسيسة وناس رخيصة وناس ف الشر مليانة حماس وناس ملهمش تمن ورخاص وناس اغلي من الدهب والماس وناس شهامة وناس لمامة وناس ماتسوى كعب مداس وناس زى الوسواس الخناس وناس بتجيب ف سيرة ناس وناس قلبها صدا ونحاس وناس توحشك وناس تنهشك وناس كلامها زى الرصاص وناس للظلم حراس وناس تتشال ع الراس وناس رجولة وناس مسئولة وناس سلاحها هو الفاس وكل الناس اخرتها تحت التراب تنداس كلمات الشاعر اسامة فؤاد حنا
ليست هناك تعليقات:
إرسال تعليق